Kelayotgan mavsumga tayyorgarlikni Toshkent shahrida olib borayotgan “Qo‘qon-1912” jamoasi o‘z safiga ikki nafar futbolchini rasman qo‘shib oldi.
"Shunqorlar" ko‘rigida bo‘lib turgan Didye Drogbaning vatandoshi bo‘lmish Yakuba Bamba , endi rasman jamoa a’zosiga aylandi. Qo‘qonliklar rahbariyati Kot-d’Ivuarlik futbolchi bilan mavsum yakuniga qadar shartnoma imzoladi. Hujumkor yarim himoyachi , Yakuba Bamba 91-raqamda maydonga tushadigan bo‘ldi.
Shuningdek “Bunyodkor” futbol klubi tarbiyalanuvchisi bo‘lgan Sardor Azimov ham kelayotgan mavsumni Baxtiyor Ashurmatov qo‘l ostida o‘tkazadi. Azimov 13-raqamda maydonga tushadi.
Yarim himoya chizig‘i vakili bo‘lgan bu futbolchi oldingi mavsumlarda superliganing “Bunyodkor”, “Navbahor”, “So‘g‘diyona”, “Andijon” kabi klublarida to‘p surib, birmuncha tajriba orttirgan.
