Qarshining «Nasaf» klubi yangi mavsumda muxlislarni stadionga chorlash va ularni munosib rag‘batlantirish maqasadida yana bir tashkilot bilan hamkorlikni yo‘lga qo‘ydi. «Markaziy» stadionda bo‘ladigan «ajdarlar» ishtirokidagi barcha uchrashuvlar chiptalarini «Professional Sport Agentligi» sotib oldi. Faqatgina maxsus mehmonlar va fan klub sektorlaridan tashqari barcha joylar chiptalarining sotish huquqi endilikda ushbu tashkilotga tegishli bo‘ladi.

Bundan ko‘zlangan maqsad muxlislarga yanada qulayik yaratish hamda sifatli xizmat ko‘rsatishdir. Shu bilan birga stadionga tashrif buyuradigan muxlislar uchun avtomobil, telefon va boshqa qimmatbaho sovg‘lalar yutib olish imkoniyati yaratiladi. Shuningdek, agar sovg‘alar talabalar tomonidan yutib olinsa, beriladigan sovg‘aga qo‘shimcha sifatida talabaning bir yillik shartnoma badali ham to‘lab berilishi ko‘zda tutilgan.