Moskvaning "Spartak" klubi sobiq murabbiyi Dmitriy Alenichevning fikricha, "Krilya Sovetov" klubidan “Spartak”ka ijaraga kelgan Aleksandr Sobolevning transferi xato ekan.
"To‘g‘risini aytganda, hayron qoldim. "Spartak"dek klubda o‘ynash uchun unga hali erta edi. Men Aleksandrni juda yaxshi bilaman, u sibirlik ochiq bola, lekin, u boshqa klubda o‘sishga erishishi kerak edi. "Krilya Sovetov"da muhim futbolchi bo‘lgan. Mening fikrimcha, u o‘z jamoasida mavsum yakunigacha qolishi kerak edi. U o‘z jamoasiga yordam berish bilan bir qatorda, kuzda ko‘rsatgan natijalari tasodif emasligini isbotlashi kerak edi. "Spartak"ning asosiy tarkib futbolchisi bo‘lishi fakt emas. Qolaversa, u asosiy tarkibda maydonga tushsa ham, gol kiritishi uchun hech kim kafolat bera olmaydi. U yerdagi bosim o‘zgacha", - dedi Alenichev.
Eslatib o‘tamiz, "Spartak" Sobolevni keyinchalik sotib olish huquqini o‘zida saqlab qolgan holda, mavsum oxirigacha ijaraga oldi.
22 yoshli hujumchi 19 ta uchrashuvda 10 ta gol kiritish bilan bir qatorda, 3 ta golli pasni amalga oshirdi.
