Angliya chempionatining 27-turi London derbisi bilan boshlandi. «Chelsi» o‘z uyida «Tottenxem»ni qabul qilib, 3 ochkoni qo‘lga kiritdi.

Bahsning 15-daqiqasida Olivye Jiru hisobni ochishga muvaffaq bo‘ldi. Fransiyalik futbolchi uchun bu mavsumdagi dastlabki gol bo‘ldi.

Ikkinchi bo‘lim boshida esa Markos Alonso kuchli zarba bilan "Tottenxem" darvozasini zabt etdi.

"Shporlar" o‘yin tugashiga 1 daqiqa qolganida bitta javob to‘pini "Chelsi" darvozasiga kiritishdi. To‘p Ryudigerga tegib, mezbonlar darvozasidan o‘rin oldi.

Ushbu g‘alabadan keyin Lempard jamoasi o‘z ochkolarini 44taga yetkazib, 4-o‘rin uchun kurashda imkoniyatlarini yaxshilab oldi.

Angliya chempionati, 27-tur
Chelsi – Tottenxem 2:1 (1:0, 1:1)
Gollar: 1:0 – 15 Jiru, 2:0 – 48 Alonso, 2:1 – 89, avtogol Ryudiger.
Chelsi – Kabalyero, Djeyms, Aspilikueta, Kristensen, Alonso, Maunt, Jorjinyo, Barkli (Villian, 77), Kovachich, Ryudiger, Jiru (Abraxam, 71).
Tottenxem – Lyoris, Tanganga, Sanches, Alderveyreld (OrYE, 78), Devis, Ndombele (Lamela, 63), Lo Chelso, Lukas Moura, Uinks, Bergveyn (Alli, 78), Vertongen.
Ogohlantirishlar: Uinks (23), Kristensen (65), Lo Chelso (81).