Англия чемпионатининг 27-тури Лондон дербиси билан бошланди. «Челси» ўз уйида «Тоттенхэм»ни қабул қилиб, 3 очкони қўлга киритди.

Баҳснинг 15-дақиқасида Оливье Жиру ҳисобни очишга муваффақ бўлди. Франциялик футболчи учун бу мавсумдаги дастлабки гол бўлди.

Иккинчи бўлим бошида эса Маркос Алонсо кучли зарба билан "Тоттенхэм" дарвозасини забт этди.

"Шпорлар" ўйин тугашига 1 дақиқа қолганида битта жавоб тўпини "Челси" дарвозасига киритишди. Тўп Рюдигерга тегиб, мезбонлар дарвозасидан ўрин олди.

Ушбу ғалабадан кейин Лэмпард жамоаси ўз очколарини 44тага етказиб, 4-ўрин учун курашда имкониятларини яхшилаб олди.

Англия чемпионати, 27-тур
Челси – Тоттенхэм 2:1 (1:0, 1:1)
Голлар: 1:0 – 15 Жиру, 2:0 – 48 Алонсо, 2:1 – 89, автогол Рюдигер.
Челси – Кабальеро, Джеймс, Аспиликуэта, Кристенсен, Алонсо, Маунт, Жоржиньо, Баркли (Виллиан, 77), Ковачич, Рюдигер, Жиру (Абрахам, 71).
Тоттенхэм – Льорис, Танганга, Санчес, Алдервейрелд (Орье, 78), Дэвис, Ндомбеле (Ламела, 63), Ло Чельсо, Лукас Моура, Уинкс, Бергвейн (Алли, 78), Вертонген.
Огоҳлантиришлар: Уинкс (23), Кристенсен (65), Ло Чельсо (81).