Fransiyaning «Lion» klubi bosh murabbiyi Rudi Garsiya YECHL doirasida «Yuventus» klubiga qarshi bo‘ladigan uchrashuvda hujumkor o‘yin namoyish etishga ishora qildi.
«Biz «Yuventus» Sarri qo‘l ostida «Napoli» va «Empoli» klublaridek o‘yin ko‘rsatishini kutyapmiz. U taktik tarafdan kuchli murabbiy, uning tajribasiga shubha qilmaslik kerak. “Yuventus” klubi shu qadar kuchliki, hatto murabbiyning almashishi ham uning himoyasini yorib o‘tishga yo‘l qo‘ymaydi.
O‘tgan haftadagi o‘yinlarda hech kim «PSJ» va «Liverpul» klublarining g‘alabasiga shubha qilmagandi. Lekin bu o‘yinlar qanday yakunlanganini ko‘rdik. Endi sensasiya qilish navbati bizniki.
Himoyaviy o‘yin namoyish etib «Yuventus»ni mag‘lub etib bo‘lmaydi. Biz o‘z muxlislarimizdan ajoyib qo‘llab-quvvatlashni kutyapmiz. Ular bizga qo‘shimcha kuch bag‘ishlariga ishonamiz», —Rudi Garsiya.
