Франциянинг «Лион» клуби бош мураббийи Руди Гарсия ЕЧЛ доирасида «Ювентус» клубига қарши бўладиган учрашувда ҳужумкор ўйин намойиш этишга ишора қилди.
«Биз «Ювентус» Сарри қўл остида «Наполи» ва «Эмполи» клубларидек ўйин кўрсатишини кутяпмиз. У тактик тарафдан кучли мураббий, унинг тажрибасига шубҳа қилмаслик керак. “Ювентус” клуби шу қадар кучлики, ҳатто мураббийнинг алмашиши ҳам унинг ҳимоясини ёриб ўтишга йўл қўймайди.
Ўтган ҳафтадаги ўйинларда ҳеч ким «ПСЖ» ва «Ливерпуль» клубларининг ғалабасига шубҳа қилмаганди. Лекин бу ўйинлар қандай якунланганини кўрдик. Энди сенсация қилиш навбати бизники.
Ҳимоявий ўйин намойиш этиб «Ювентус»ни мағлуб этиб бўлмайди. Биз ўз мухлисларимиздан ажойиб қўллаб-қувватлашни кутяпмиз. Улар бизга қўшимча куч бағишларига ишонамиз», —Руди Гарсия.
