O‘zbekiston Superligasi 1-turidan o‘rin olgan “Paxtakor” hamda “Navbahor” o‘rtasidagi o‘yin yakunlandi. Uchrashuvdan so‘ng matbuot anjumanining dastlabki qismida “lochinlar” ustozi Andrey Kanchelskis savollarga javob berib o‘tdi.

–  Raqibni g‘alaba bilan tabriklayman. Ikki xil bo‘limlar guvohiga aylandik. Hakam o‘yinni buzib qo‘ydi, menimcha. Ishlashda davom etamiz. Xayot davom etadi. “Paxtakor”ga OCHLda omad tilayman. Namangandan kelgan muxlislarga katta rahmat aytaman.

–  Agar bugungi o‘yinda VAR bo‘lganda, o‘yin tizgini boshqacha bo‘larmidi?

–  Ha, menimcha VAR bo‘lganda bunday xatolar bo‘lmas edi. Ikknchi bo‘lim futbol emas edi. Biz natija uchun o‘ynadik, lekin qizil kartochka o‘yin tizginini o‘zgartirib yubordi.

–  “Navbahor” uchrashuv boshidan “Paxtakor”ga ochiq o‘yin taklif qildi, biroq keyinchalik charchab qoldi. Bu haqda nima deysiz?

– To‘g‘ri keyinchalik biz raqibga ustunlikni topshirdik. O‘ziz o‘ylang, 10 kishi bo‘lib “Paxtakor”ga ochiq o‘yin taklif qilishimiz kerakmidi? Men futbolchilarimning o‘yinidan qoniqdim. Hamma ham xato qiladi. Barchamiz insonmiz.