Ўзбекистон Суперлигаси 1-туридан ўрин олган “Пахтакор” ҳамда “Навбаҳор” ўртасидаги ўйин якунланди. Учрашувдан сўнг матбуот анжуманининг дастлабки қисмида “лочинлар” устози Андрей Канчельскис саволларга жавоб бериб ўтди.

–  Рақибни ғалаба билан табриклайман. Икки хил бўлимлар гувоҳига айландик. Ҳакам ўйинни бузиб қўйди, менимча. Ишлашда давом этамиз. Хаёт давом этади. “Пахтакор”га ОЧЛда омад тилайман. Намангандан келган мухлисларга катта раҳмат айтаман.

–  Агар бугунги ўйинда ВАР бўлганда, ўйин тизгини бошқача бўлармиди?

–  Ҳа, менимча ВАР бўлганда бундай хатолар бўлмас эди. Иккнчи бўлим футбол эмас эди. Биз натижа учун ўйнадик, лекин қизил карточка ўйин тизгинини ўзгартириб юборди.

–  “Навбаҳор” учрашув бошидан “Пахтакор”га очиқ ўйин таклиф қилди, бироқ кейинчалик чарчаб қолди. Бу ҳақда нима дейсиз?

– Тўғри кейинчалик биз рақибга устунликни топширдик. Ўзиз ўйланг, 10 киши бўлиб “Пахтакор”га очиқ ўйин таклиф қилишимиз керакмиди? Мен футболчиларимнинг ўйинидан қониқдим. Ҳамма ҳам хато қилади. Барчамиз инсонмиз.