AGMK futbolchisi Yovan Jokich yangi mavsum avvalidan o‘z fikrlari bilan o‘rtoqlashdi.
«Avvalo meni jamoaga qaytargan va ishonch bildirgan murabbiylar shtabi hamda rahbariyatga tashakkur aytaman. AGMKga qaytganimdan baxtliman!
Oldimizda qiyin va mas’uliyatli mavsum turibdi. Yaxshi futbolchilardan iborat jamoa va ichki muhit havas qilarli darajada. O‘ylaymanki, jamoa yangi mavsum startiga tayyor.
Ilk raqib “Metallurg” yaxshi jamoa, lekin bu bizni qiziqtirmaydi. AGMK o‘z o‘yinini o‘tkazishga va uchrashuvdagi maqsadi - g‘alabani qo‘lga kiritishga intiladi. Mazkur o‘yinda muxlislarimiz stadionda ajoyib muhitni yaratishlariga ishonaman. Ularning olqishi va qo‘llab-quvvatlovi biz uchun juda muhim».
