Yangi mavsumga tarkibni keskin yangilab yuborgan Aleksandr Xomyakov tarkibga bir qator yosh futbolchilarni qo‘shib olish bilan bir qatorda, tajribali futbolchilarni jalb qilishni ham unutmadi.

Hozirgi kunda "Andijon" safida Moldaviyalik Artyom Litvyakov, ukrainalik Dmitro Zozulyalar harakat qilayotgan bo‘lsa, nigeriyalik Ibe Okoroaning hujjatlari vaqtida hal bo‘lmaganligi sababli, birinchi turda "Lokomotiv" klubiga qarshi bo‘lib o‘tgan uchrashuvda maydonga tusha olmagandi.

"Andijon" yana bir nigeriyalik futbolchini jamoaga taklif etdi. Himoya qo‘rg‘onini mustahkamlik uchun Aleksandr Xomyakov nigeriyalik futbolchi Emmanuel Arivachukvu taklif etildi.

Tanishing, Emmanuel Arivachukvu

Tug‘ilgan yili: 27.12.1993 yil;

Ampluasi: Markaziy himoyachi;

Fuqaroligi: Nigeriya;

Bo‘yi: 1,92 sm;

Og‘irligi: 82 kg;

Emmanuel Nigeriya chempionatida ishtirok etadigan bir qator jamoalarda to‘p surgan. Shuningdek, legioner futbolchi sifatida Hindiston, Sudan, Iroq chempionatlarida ishtirok etgan.

So‘nggi jamoasi Iroqning “Naft Maysan” klubi hisoblanadi.
2017 yilning 19 avgust kuni Benin terma jamoasiga qarshi bo‘lib o‘tgan bahsda Nigeriya terma jamoasidagi debyut uchrashuvini o‘tkazgan.

Uning so‘nggi klubi “Naft Maysan” o‘tgan yilgi mavsumda 20 jamoa orasida 5-o‘rin bilan chempionatni yakunlagan. Hozirgi paytda ayni sabablarga ko‘ra, Iroq chempionati noma’lum muddatga qoldirildi.