Namanganning “Navbahor” jamoasi ixtiyoriga yana bir legioner qo‘shildi. Bu —rossiyalik hujumkor yarim himoyachi Pavel Golishev.

Mazkur futbolchi 1987 yil, 7 iyulda Rossiya poytaxti Moskva shahrida tug‘ilgan. Futbolchilik faoliyati davomida Rossiyaning “Moskva” (Moskva, 2005-2009 yillar), “Spartak” (Moskva, 2010 yilning 1-davrasi), “Alaniya” (Vladikavkaz, 2010 yilning 2-davrasi), “Tom” (Tomsk, 2011, 2012-2015, 2016-2017 yillar), “Tosno” (Tosno, 2015 yilning 2-davrasi), “Krilya Sovetov” (Samara, 2017 yilning 2-davrasi), “Baltika” (Kaliningrad, 2018 yilning 1-davrasi), “Luch” (Vladivostok, 2018 yilning 2-davrasi), “Nijniy Novgorod” (Nijniy Novgorod, 2019 yil) klublarida to‘p surgan.

Pavel Golishev joriy yil boshida Qozog‘istonning “Aktobe” jamoasi safiga qo‘shilgandi. Ammo O‘zbekiston Superligasida o‘ynashni ma’qul ko‘rgan shekilli, bugun “lochinlar” ixtiyoriga yetib keldi.

Ushbu futbolchi tez kunlar ichida “Navbahor” bilan shartnoma imzolashi mumkin.      

“Navbahor” PFK matbuot xizmati.