Наманганнинг “Навбаҳор” жамоаси ихтиёрига яна бир легионер қўшилди. Бу —россиялик ҳужумкор ярим ҳимоячи Павел Голишев.

Мазкур футболчи 1987 йил, 7 июлда Россия пойтахти Москва шаҳрида туғилган. Футболчилик фаолияти давомида Россиянинг “Москва” (Москва, 2005-2009 йиллар), “Спартак” (Москва, 2010 йилнинг 1-давраси), “Алания” (Владикавказ, 2010 йилнинг 2-давраси), “Томь” (Томск, 2011, 2012-2015, 2016-2017 йиллар), “Тосно” (Тосно, 2015 йилнинг 2-давраси), “Крилья Советов” (Самара, 2017 йилнинг 2-давраси), “Балтика” (Калининград, 2018 йилнинг 1-давраси), “Луч” (Владивосток, 2018 йилнинг 2-давраси), “Нижний Новгород” (Нижний Новгород, 2019 йил) клубларида тўп сурган.

Павел Голишев жорий йил бошида Қозоғистоннинг “Актобе” жамоаси сафига қўшилганди. Аммо Ўзбекистон Суперлигасида ўйнашни маъқул кўрган шекилли, бугун “лочинлар” ихтиёрига етиб келди.

Ушбу футболчи тез кунлар ичида “Навбаҳор” билан шартнома имзолаши мумкин.      

“Навбаҳор” ПФК матбуот хизмати.