Ispaniya kubogi finalida "Atletik" va "Real Sosyedad" jamoalari o‘zaro kuch sinashishadi.
«Atletik» ikki o‘yin natijasiga ko‘ra "Granada"dan ustun keldi (1:0, 1:2), «Sosyedad» esa «Mirandes»ni mag‘lub etdi (2:1, 1:0).
«Atletik» va «Sosyedad» mazkur turnirning ushbu formati finalida biror marta to‘qnash kelishmagan.
1910 yilda Ispaniya kubogi bir vaqtda ikki xil shaklda o‘tkazilgan, birinchisi Ispaniya futbol federasiyasi tomonidan tashkillashtirilgan rasmiy turnir (Madridda), ikkinchisi Ispaniya futbol jamoalari ittifoqi tomonidan o‘tkazilgan norasmiy turnir (San-Sebastyanda).
Norasmiy turnir finalida "Atletik" "Sosyedad"ni mag‘lub etgan.
Final 18 aprelda Sevilyadagi "Olimpiyskiy" stadionida bo‘lib o‘tadi.