«Real» yarim himoyachisi Jud Bellingem hakam Slavko Vinchichning qarorlaridan noroziligini yashirmadi.

Madridliklar Chempionlar Ligasi 1/4 final javob bahsida «Bavariya»ga 3:4 hisobida imkoniyatni boy berishdi. E’tiborlisi, «qaymoqranglilar» Eduardo Kamavinga maydondan chetlatilganidan so‘ng o‘z darvozalaridan ikkita gol o‘tkazib yuborishdi.

O‘yindan so‘ng mikst-zonada jurnalistlar yonidan o‘tib ketayotgan ingliz futbolchisi shunday dedi:

«Bu shunchaki kulgili. Ikkita fol — ikkita sariq kartochka».

Bellingemning bu so‘zlari hakam tomonidan ko‘rsatilgan kartochkalar vaziyatga mos bo‘lmagani va o‘ta qattiqqo‘llik qilinganiga sha’madir.