Испания кубоги финалида "Атлетик" ва "Реал Сосьедад" жамоалари ўзаро куч синашишади.

«Атлетик» икки ўйин натижасига кўра "Гранада"дан устун келди (1:0, 1:2), «Сосьедад» эса «Мирандес»ни мағлуб этди (2:1, 1:0).

«Атлетик» ва «Сосьедад» мазкур турнирнинг ушбу формати финалида бирор марта тўқнаш келишмаган.

1910 йилда Испания кубоги бир вақтда икки хил шаклда ўтказилган, биринчиси Испания футбол федерацияси томонидан ташкиллаштирилган расмий турнир (Мадридда), иккинчиси Испания футбол жамоалари иттифоқи томонидан ўтказилган норасмий турнир (Сан-Себастьянда).

Норасмий турнир финалида "Атлетик" "Сосьедад"ни мағлуб этган.  

Финал 18 апрелда Севильядаги "Олимпийский" стадионида бўлиб ўтади.