“Atletiko” hujumchisi Alvaro Morata Ispaniya chempionatining 27-turida “Sevilya”ga qarshi o‘yinda o‘z nomini tabloga yozdirib qo‘ydi. 

Shu tariqa, 27 yoshli hujumchi 7 o‘yinli golsiz seriyaga barham berdi. Uning golsiz seriyasi 630 daqiqa davom etdi. 

Ma’lumot uchun,  Morata so‘nggi bor 22-turda  “Betis”ga (2:1) qarshi o‘yinda gol urgan edi.

Eslatib o‘tamiz, bugungi o‘yinda Morata 32-daqiqada penaltidan gol urishga erishdi. Joriy mavsum futbolchi 23ta o‘yinda 8ta gol urgan va 1ta golga hammualliflik qilgan.