Qashqadaryo viloyati hokimi Zoyir Mirzayev Qarshi shahridagi «Markaziy» stadionda “Nasaf” – “Andijon” uchrashuvining ochilish marosimida ishtirok etdi va nutq so‘zladi. Hokim mezbonlarning g‘alabaga erishishiga ishonch bildirdi.

Demak, o‘yin haqida gapirsak: Superliganing 2-turidan o‘rin olgan “Nasaf” – “Andijon” uchrashuvining 10-daqiqasida mehmonlar jamoasi «Nasaf» darvozasiga gol kiritdi. Gol muallifi — Siroj Meliyev 0:1.

12-daqiqada Oybek Bozorovning chamasi 20 metrlardan yo‘llagan zarbasi darvoza to‘riga tashqi tomondan tegdi, stadiondagi muxlislar gol deb o‘ylashgan edi. Ammo unday bo‘lmadi.

Ikkinchi bo‘limning 70-daqiqasida burchakdan oshirilgan to‘pni «Nasaf» futbolchisi Bobur Abduxoliqov darvozaga noaniq tarzda yo‘lladi. 72-daqiqada esa u jarima maydoniga kirib borib birga bir vaziyatdan gol urdi – 1:1.

84-daqiqada «Nasaf»  himoyachisi Sharof Muhitdinov darvozaga gol urdi – 2:1. Unga to‘pni Nasrullayev uzatdi.

Shunday qilib qaytib hisob ochilmadi. «Nasaf» o‘z qarorgohida «Andijon» klubini mag‘lub etdi.

Superliga, 2-tur
"NASAF" - "ANDIJON" - 2:1 (0:1)
Gollar: Siroj Meliyev 10, – 0:1. Bobir Abdixoliqov 72, – 1:1 (Sharof Muhitdinov). Sharof Muhitdinov 84, – 2:1 (Sherzod Nasrullayev).
8473 tomoshabin.