Қашқадарё вилояти ҳокими Зойир Мирзаев Қарши шаҳридаги «Марказий» стадионда “Насаф” – “Андижон” учрашувининг очилиш маросимида иштирок этди ва нутқ сўзлади. Ҳоким мезбонларнинг ғалабага эришишига ишонч билдирди.

Демак, ўйин ҳақида гапирсак: Суперлиганинг 2-туридан ўрин олган “Насаф” – “Андижон” учрашувининг 10-дақиқасида меҳмонлар жамоаси «Насаф» дарвозасига гол киритди. Гол муаллифи — Сирож Мелиев 0:1.

12-дақиқада Ойбек Бозоровнинг чамаси 20 метрлардан йўллаган зарбаси дарвоза тўрига ташқи томондан тегди, стадиондаги мухлислар гол деб ўйлашган эди. Аммо ундай бўлмади.

Иккинчи бўлимнинг 70-дақиқасида бурчакдан оширилган тўпни «Насаф» футболчиси Бобур Абдухолиқов дарвозага ноаниқ тарзда йўллади. 72-дақиқада эса у жарима майдонига кириб бориб бирга бир вазиятдан гол урди – 1:1.

84-дақиқада «Насаф»  ҳимоячиси Шароф Муҳитдинов дарвозага гол урди – 2:1. Унга тўпни Насруллаев узатди.

Шундай қилиб қайтиб ҳисоб очилмади. «Насаф» ўз қароргоҳида «Андижон» клубини мағлуб этди.

Суперлига, 2-тур
"НАСАФ" - "АНДИЖОН" - 2:1 (0:1)
Голлар: Сирож Мелиев 10, – 0:1. Бобир Абдихолиқов 72, – 1:1 (Шароф Муҳитдинов). Шароф Муҳитдинов 84, – 2:1 (Шерзод Насруллаев).
8473 томошабин.