«Yuventus» hujumchisi Krishtianu Ronaldu hozirda qisqa muddatli vizit bilan Portugaliyada bo‘lib turibdi. U o‘z oilasi davrasida opasi Elma Aveyruning tug‘ilgan kunini nishonladi.

Tuttosport tarqatgan xabarga ko‘ra, hozirda Portugaliya va Italiya o‘rtasida samolyot qatnovi bekor qilinganiga qaramay, Krishtianu payshanba kuni Turinga yetib keladi. U shaxsiy samolyotida Italiyaga uchib kelish uchun maxsus ruxsatnoma oldi.

Eslatib o‘tamiz, Italiya A seriyasi to‘xtatib qo‘yilgan bo‘lsa, "keksa sinyora" 17 mart kuni Yevropa chempionlar ligasining nimchorak final bosqichi doirasida "Lion"ga qarshi bahs olib boradi. Ushbu o‘yin bo‘sh tribunalar qarshisida o‘tkazilishi kutilmoqda. Fransiyaliklar dastlabki o‘yinda 1:0 hisobida g‘alaba qozonishgan edi.