«Ювентус» ҳужумчиси Криштиану Роналду ҳозирда қисқа муддатли визит билан Португалияда бўлиб турибди. У ўз оиласи даврасида опаси Эльма Авейрунинг туғилган кунини нишонлади.

Tuttosport тарқатган хабарга кўра, ҳозирда Португалия ва Италия ўртасида самолёт қатнови бекор қилинганига қарамай, Криштиану пайшанба куни Туринга етиб келади. У шахсий самолётида Италияга учиб келиш учун махсус рухсатнома олди.

Эслатиб ўтамиз, Италия А серияси тўхтатиб қўйилган бўлса, "кекса синьора" 17 март куни Европа чемпионлар лигасининг нимчорак финал босқичи доирасида "Лион"га қарши баҳс олиб боради. Ушбу ўйин бўш трибуналар қаршисида ўтказилиши кутилмоқда. Францияликлар дастлабки ўйинда 1:0 ҳисобида ғалаба қозонишган эди.