Ba’zi jamoalarda doim kuchli darvozabonlar bo‘ladi. Bu rejaning asosiy qismi, masalan «Atletiko»da. David De Xea, Tibo Kurtua, Yan Oblak...

«Liverpul» esa aksincha, aynan himoyadagi muammolar doimo ularni odatdagidan ko‘proq gol urishga majbur qilardi.

Alison Bekerning kelishi «Liverpul»ni barcha turnirlarda g‘alaba qozona oladigan jamoaga aylantirgandi. O‘tgan yili YECHL, bu yil APL...

Ammo taqdirni hazilini qarangki, bugun, aslida Kloppga gollar ko‘proq zarur bo‘lgan pallada yana darvozabon pand berdi. Alison jarohatda, Adrian esa...

«Liverpul» «Atletiko» darvozasiga 35ta zarba berdi, shundan 12 tasi aniq, 7 tasi esa o‘ta xavfli. 16 burchak to‘pi.

«Atletiko»da 9 zarba, 6 tasi aniq. Birinchi golda darvozabon to‘pni raqibga berib qo‘ydi. Jarima maydoni tashqarisidan berilgan ikki zarba golga aylandi — 2:3.

Bundan tashqari, Alison oyoqda ham yaxshi o‘ynardi, yaxshi birinchi pasga egaligi uchun, jamoa to‘pga egalik qilganda, yuqoriroqda o‘ynash qulayligini taqdim etardi.

Yaxshi darvozaboning bo‘lmasa, dunyoning eng yaxshi hujum uchligi bekor, Oblak bilan esa, Lyorente ham o‘yin qahramoni bo‘la oladi. Albatta, Lyorenteni ko‘proq Adrian qahramon aylantirgan bo‘lsa-da, Oblaksiz bu imkoniyatlar ham bo‘lmasdi.

Qahramon Aslanov.