Bugun "Hilton" mehmonxonasida shu kunlarda yurtimizda bo‘lib turgan, UEFA delegasiyasi ishtirokida O‘FA rahbar hamda xodimlari bilan, O‘zPFL va Superliga klublari vakillari bilan uchrashuvlar yakuniga bag‘ishlangan matbuot anjumani bo‘lib o‘tdi. Unda UFA birinchi vise-prezidenti Ravshan Ermatov, UEFA Assist tashkilotining xalqaro aloqalar boshqarmasi rahbari Yeva Paske, O‘FA matbuot va media departamenti rahabari Davron Fayziyev hamda qator OAV vakillari ishtirok etishdi. Anjumanda mavjud kamchiliklar va ularning xalqaro tajriba asosidagi yechish borasida fikrlar almashildi.

"Bugun futbolimizda 3 asosiy masala mavjud, ya’ni har tomonlama sifatli futbol maydonlari, xalqaro talablarga to‘liq javob bera oladigan sport invertorlari va salohiyatli murabbiylar. Mana shularga to‘g‘ri yechim topa olsak, shunda rivojlanish tez sur’atlarda o‘sishi mumkin", — dedi Ravshan Ermatov.

Yeva Paske ham O‘zbekistonda o‘tgan 5 kunlik safarning 3 kunida boshqaruv sohasini o‘rganib, tahlil qilishga ajratganligi, ikki kunida esa ijroi qo‘mita vakillari bilan uchrashuvlar tashkil etilganligini va ularga o‘ziga xos harakatlar yo‘lini belgilab berilgani haqida ta’kidlab o‘tdi.

Shuningdek, "O‘zbek millati haqiqatdan ham futbolni sevadigan millat ekanligini yana bir bor angladim", - dedi UEFA vakilasi. Tadbir yakunida bu tashrif kelajakdagi ko‘p yillik hamkorlikning debochasi bo‘lganligi ta’kidlandi. Shuningdek, jurnalistlar ushbu hamkorlik borasidagi o‘zlarini qiziqtirgan savollarga, mutaxassislar tomonidan javoblar olishdi.