UFCning yengil vazndagi chempioni Habib Nurmagamedov koronavirus muammosiga qaramay Toni Fergyuson bilan jang qilishga tayyor ekanligini rasman ma’lum qildi.

“18-aprelda bo‘lib o‘tishi kutilayotgan jang amalga oshishi uchun barcha narsaga tayyormiz. Koronavirus bizning rejalarni o‘zgartirib yubormasligidan umidvorman. Aslida, Toni bilan jangimiz chog‘ida arenada 100 kishi bo‘lsa ham yetarli. Bu jangning tashkil etilishi uchun arenada muxlislar bo‘lmasligiga ham rozimiz. Asosiysi operatorlar va hakamlar bo‘lsa bo‘lgani. Shu yo‘sinda karantindagi barcha bu jangni tomosha qilish imkoniyatga ega bo‘ladi.

Shunchaki men va Tonini arenada yolg‘iz qoldirishning o‘zi kifoya. Biz o‘zimiz kim chempion ekanligini aniqlab olamiz. To‘g‘risi, UFCtanlagan siyosat menga juda manzur kelmoqda. Barcha musobaqalar koronavirus sababli bekor qilinayotgan bir paytda UFCboshlangan ishni yakunlab qo‘yishga harakat qilmoqda. Bu tahsinga sazovor!”,-deydi UFC jangchisi TACCnashriga bergan intervyusida