UFCнинг енгил вазндаги чемпиони Ҳабиб Нурмагамедов коронавирус муаммосига қарамай Тони Фергюсон билан жанг қилишга тайёр эканлигини расман маълум қилди.

“18-апрелда бўлиб ўтиши кутилаётган жанг амалга ошиши учун барча нарсага тайёрмиз. Коронавирус бизнинг режаларни ўзгартириб юбормаслигидан умидворман. Аслида, Тони билан жангимиз чоғида аренада 100 киши бўлса ҳам етарли. Бу жангнинг ташкил этилиши учун аренада мухлислар бўлмаслигига ҳам розимиз. Асосийси операторлар ва ҳакамлар бўлса бўлгани. Шу йўсинда карантиндаги барча бу жангни томоша қилиш имкониятга эга бўлади.

Шунчаки мен ва Тонини аренада ёлғиз қолдиришнинг ўзи кифоя. Биз ўзимиз ким чемпион эканлигини аниқлаб оламиз. Тўғриси, UFCтанлаган сиёсат менга жуда манзур келмоқда. Барча мусобақалар коронавирус сабабли бекор қилинаётган бир пайтда UFCбошланган ишни якунлаб қўйишга ҳаракат қилмоқда. Бу таҳсинга сазовор!”,-дейди UFC жангчиси ТАCCнашрига берган интервюсида