"Yuventus" himoyachisi Daniele Ruganining qallig‘i — italiyalik jurnalist ayol Mikela Persiko koronavirusga chalinganini haqida xabar berib o‘tgan edik. Mikalaning aytishicha, u hozirda homilador ekan.
«To‘rt oylik homilam bor, endi nima bo‘ladi? Bu haqda gapirishni ham istamasdik. Endi kutishdan boshqa ilojim yo‘q. Umid qilaman, virus homila ta’sir ko‘rsatmaydi. Shifokorlar bu jiddiy muammo emasligini aytishyapti. Ammo mening o‘rnimga o‘zingizni qo‘yib ko‘ring. Bu juda dahshatli.
Daniele va men homiladorligim haqida ma’lum qilish uchun qulay fursat kutayotgan edik. Bu quvonchli lahzaga aylanishi kerak edi. Umid qilaman, biz yana oyoqqa turamiz», — dedi Persiko.
Eslatib o‘tamiz, koronavirus bilan xastalangan Rugani va uning qallig‘i hozirda karantin muddatini o‘tashmoqda.
