«PSJ» hujumchisi Neymar o‘zining instagramdagi sahifasi orqali video e’lon qildi. Unda o‘yinchining tik turgan holda qarsak chalayotgani aks etgan.
Braziliyalik futbolchi shu orqali koronavirus bilan kurashayotgan tibbiyot xodimlarini olqishladi.
«Sog‘liqni saqlash tizimining barcha xodimlariga olqishlar. O‘z hayotingizni xavf ostiga qo‘yib, insonlar sog‘lig‘ini tiklash uchun kurashayotganingiz minnatdorchilik bildiraman», – deya izoh yozdi Neymar videoning ostiga.
Bugunga kelib Fransiyada koronavirusga chalinganlar soni 11 mingdan oshdi. Neymar esa karantin muddatini Braziliyada o‘tamoqda. Hujumchi ushbu mavsumda "PSJ" safida 22ta o‘yinda maydonga tushib, 18ta gol urdi va 10ta golga uzatma berdi.