Italiyalik sobiq futbolchi Luka Toni "Yuventus" hujumchisi Krishtianu Ronaldu uchun eng munosib partnyor kim ekanligini aytdi.
"O‘ylashimcha, bu "Manchester Siti" hujumchisi Gabriel Jezus. Krishtianu toza markaziy hujumchi emas, ammo hammadan ko‘p gol urishga o‘rgangan. Jezus u uchun ideal partnyor. U ham ko‘p gol uradi, boshqalar uchun bo‘sh joy ochib beradi, muhimi, endigina 22 yoshga kirdi", dedi Toni.
O‘tgan hafta Jezus "Yuventus" qiziqayotgan futbolchilar ro‘yxatidan joy olgani xabar berilgandi. Turin klubi yozda top darajadagi hujumchi xarid qilmoqchi.
