«Barselona» darvozaboni Mark-Andre ter Shtegen Yevropada koronavirus tarqalishi bilan yuzaga kelgan karantin jarayoni haqida o‘z fikrini bildirdi.

– Odatda darvozabonlar boshqalardan alohida mashg‘ulot o‘tkazadi. Shunga qaramay, bu jarayon menga g‘alati tuyulmoqda.

– Uyda shug‘ullanayotgan futbolchi. Buni qanday tasavvur qilish mumkin?
– Sportchi sifatida jismoniy holatimiz ustida ishlashda davom etishimiz kerak. Kun davomida eng yaxshi natijaga erishish maqsadida ishlayapman.

– Klub siz mashg‘ulot dasturini taqdim qilganmi?
– Ha. Dasturimizga doimiy ravishda o‘zgarishlar kiritib boriladi. Keyin esa qanday shug‘ullanganimizni tekshirishadi. Nimadan boshlab, nima bilan tugatish kerakligini klub aytadi.

– Karantindagi hayot qanday?
– Xotinim, o‘g‘lim va men — uch kishi uyda o‘tiribmiz.