Braziliyaning «Santos» klubi prezidenti Karlos Peresning tasdiqlashicha, Turinning «Yuventus» klubi Kayo Xorxening transferi borasida unga aloqaga chiqqan.

Qayd etilishicha, «Santos» klubi kelayotgan yozgi transfer bozorida o‘zining yosh futbolchisi bilan xayrlashadi.

«Sir emas, Kayo Xorxega takliflar bor, lekin bizga mos keladigan taklifni olmasak, u holda Xorxe bilan ishlashda davom etamiz.

«Yuventus» Kayoga qiziqish bildirmoqda, ammo hozircha hech qanday rasmiy taklif yubormadi. Men ularga Xorxening transfer narxi 75 million yevro ekanligini aytdim, biroq, hech kim uni bu pulga sotib olmasligi aniq. Hozir bozor narxi tushib ketdi.

«Santos» 30 milliondan kam bo‘lmagan takliflarni ko‘rib chiqishga tayyor. «Yuventus»ni ushbu narx qoniqtiradi. «Yuve»dan tashqari yana ikki italiya klublari Xorxega qiziqish bildirmoqda», — dedi Peres.