Бразилиянинг «Сантос» клуби президенти Карлос Переснинг тасдиқлашича, Туриннинг «Ювентус» клуби Кайо Хорхенинг трансфери борасида унга алоқага чиққан.

Қайд этилишича, «Сантос» клуби келаётган ёзги трансфер бозорида ўзининг ёш футболчиси билан хайрлашади.

«Сир эмас, Кайо Хорхега таклифлар бор, лекин бизга мос келадиган таклифни олмасак, у ҳолда Хорхе билан ишлашда давом этамиз.

«Ювентус» Кайога қизиқиш билдирмоқда, аммо ҳозирча ҳеч қандай расмий таклиф юбормади. Мен уларга Хорхенинг трансфер нархи 75 миллион евро эканлигини айтдим, бироқ, ҳеч ким уни бу пулга сотиб олмаслиги аниқ. Ҳозир бозор нархи тушиб кетди.

«Сантос» 30 миллиондан кам бўлмаган таклифларни кўриб чиқишга тайёр. «Ювентус»ни ушбу нарх қониқтиради. «Юве»дан ташқари яна икки италия клублари Хорхега қизиқиш билдирмоқда», — деди Перес.