Myunxenning «Bavariya» klubi bosh murabbiyi Xans-Diter Flik jamoa rahbariyati yozda tajribaliroq murabbiy olib kelish niyatida ekanligi haqidagi mish-mishlarga o‘z munosabatini bildirdi.
«Men hozirgi paytda yashayman va bu lahzalardan zavq olyapman. Biz yaxshi ishni davom ettirishga harakat qilyapmiz. Kelajakda nimalar bo‘lishini hech kim bilmaydi. «Bavariya»dagi muhit juda yaxshi.
Men hozir butun e’tiborimni klubga qaratganman. Ular ishonch hosil qilganlarida qaror qabul qilinadi. Agar rahbariyat boshqa murabbiyni olib kelishni xohlasa, bu men uchun umrimning so‘nggi kuni bo‘lmaydi. Men bu haqda avval aytmagandim. "Bavariya" – menga ish beruvchi. Boshqa narsalar esa faqat chalg‘itadi»-dedi Flik.
