UYEFA kecha 55 mamlakat a’zolari bilan videokonferensiya o‘tkazdi. Unda poronavirus pandemiyasi paytida musobaqalar taqdiri muhokama qilindi.

UYEFAning videokonferensiyasida quyidagi qarorlar qabul qilindi:

1. Milliy chempionatlarni oxiriga yetkazish qo‘yish eng asosiy maqsad hisoblanadi.

2. UYEFA tasarrufidagi barcha musobaqalar noma’lum muddatga qoldirildi.

3. Yevropa chempionlar ligasi va Yevropa ligasining qolgan o‘yinlari iyul va avgust oylarida o‘tkazilishi kutilmoqda.

4. Iyun oyiga belgilangan terma jamoalar ishtirokidagi barcha uchrashuvlar bekor qilindi.

5. Yevropa chempionati yo‘llanmasi uchun pley-off bahslari sentyabr oyiga ko‘chirildi.

6. Yozga belgilangan yoshlar va o‘smirlar o‘rtasidagi barcha Yevropa chempionatlari bekor qilindi.

7. Aprel oyi so‘ngida o‘tkazilishi kerak bo‘lgan futzal bo‘yicha Chempionlar ligasining to‘rtlar finali boshqa muddatga ko‘chirildi.

8. Yevropada keyingi mavsum sentyabr yoki oktyabr oyida boshlanishi mumkin.