Madridning "Atletiko" klubi Yevropa chempionlar ligasi nimchorak final bosqichida "Liverpul" bilan to‘qnash kelib, ikki o‘yin natijasiga ko‘ra keyingi bosqichga yo‘l oldi.

Ammo "matraschilar"ning ushbu muvaffaqiyatiga soya soladigan faktor yuzaga chiqdi. Liverpul shahri sog‘liqni saqlash xizmati boshlig‘i Metyu Eshtonning fikricha, "Enfild"dagi o‘yin katta ehtimol bilan koronavirus infeksiyasi tarqalishiga asosiy sababchilardan biri bo‘lgan.

"Bu noto‘g‘ri qaror bo‘lgan edi. Hukumat o‘sha paytda vaziyatning jiddiyligini his qila olmagan edi. Biz anig‘ini hech qachon bila olmaymiz, ammo "Atletiko"ga qarshi o‘yin koronavirusga chalinganlar sonining oshishiga xizmat qilgan. Kelajakda xatoni takrorlamaslik uchun buni eslab qolish kerak", — dedi Eshton "The Guardian" nashriga bergan intervyusida.