"PSJ" hujumchisi Neymar yuzaga kelgan tanaffusdan foydalanib, shaxsiy samolyotida Braziliyaga uchib kelib, u yerda karantin muddatini ancha quvnoq o‘tkazmoqda. U o‘zining instagramdagi sahifasi orqali o‘z vaqtini qanday o‘tkazayotganini ma’lum qilib bormoqda.

U do‘stlari bilan plyaj voleybolini o‘ynamoqda. Ushbu surat internet foydalanuvlariga norozilik uyg‘otdi, ammo Neymarning o‘zi karantin qoidasini buzmayotganini ta’kidladi.



Futbolchi va uning do‘stlari Rio-de-Janeyro shahridagi 2016 yilda 8 million dollarga sotib olgan uyda istiqomat qilishmoqda.

Mazkur villadan vertolyot uchun qo‘nish maydonchasi mavjud.



Shuningdek, xonadonda 6ta yotoqxona, Neymarning do‘stlari uchun mo‘ljallangan ulkan mehmonxona, basseyn, tennis korti va yana ko‘pgina qulayliklar mavjud.

Futbolchining do‘stlari Neymar bilan birga Parijdan uchib kelishgan. Ular o‘z oilasi bilan uchrashishdan oldin villada 14 kunlik karantin muddatini o‘tashmoqda. O‘yinchi o‘zining jismoniy holatini ushlab turish uchun mashg‘ulot o‘tkazishni ham unutmayapti.