Turinning “Yuventus” klubi “Valensiya” yarim himoyachisi Ferran Torresga jiddiy qiziqib qoldi. Bu haqda Football Italia nashri yozmoqda.
Manbaning xabariga ko‘ra, “keksa sinyoralar” Torres uchun Mattia De Shilyo yoki Daniele Rugani va qo‘shimcha mablag‘ berishga tayyor.
Ma’lumot uchun, Ispaniya yoshlar terma jamoasi a’zosining “ko‘rshapalaklar” bilan amaldagi shartnomasi 2021 yilgacha mo‘ljallangan. Uning shartnomasidagi tovon puli 100 million yevro etib belgilangan.
Manbaning qo‘shimcha qilishicha, “Valensiya” keyingi yilga futbolchini tekinga ketib qolmasligi uchun 60 million yevroga qo‘yib yuborishga tayyor.
Eslatib o‘tamiz, uning xizmatlariga shuningdek, “Barselona”, “Real” va “Borussiya Dortmund” klublari qizqish bildirmoqda.
