Туриннинг “Ювентус” клуби “Валенсия” ярим ҳимоячиси Ферран Торресга жиддий қизиқиб қолди. Бу ҳақда Football Italia нашри ёзмоқда.
Манбанинг хабарига кўра, “кекса синьоралар” Торрес учун Маттиа Де Шильо ёки Даниэле Ругани ва қўшимча маблағ беришга тайёр.
Маълумот учун, Испания ёшлар терма жамоаси аъзосининг “кўршапалаклар” билан амалдаги шартномаси 2021 йилгача мўлжалланган. Унинг шартномасидаги товон пули 100 миллион евро этиб белгиланган.
Манбанинг қўшимча қилишича, “Валенсия” кейинги йилга футболчини текинга кетиб қолмаслиги учун 60 миллион еврога қўйиб юборишга тайёр.
Эслатиб ўтамиз, унинг хизматларига шунингдек, “Барселона”, “Реал” ва “Боруссия Дортмунд” клублари қизқиш билдирмоқда.
