Angliya terma jamoasi va "Manchester Yunayted" klubining sobiq futbolchisi Ueyn Runi Buyuk Britaniya Sog‘liqni Saqlash Vaziri Mett Xenkokni keskin tanqid qildi.
Sababi, Xenkok koronavirusga qarshi kurashishda futbolchilarning maoshlarini qisqartirish taklifi bilan chiqqandi.
"Agar hukumat mendan hamshiralarni qo‘llab-quvvatlash yoki tibbiy uskanalar olib berishni so‘rasa, bundan g‘ururlangan bo‘lardim. Men ba’zi bir narsalardan voz kechish imkoniyatiga egaman. Lekin, hamma futbolchi ham mendek sharoitga ega bo‘lmasligi mumkin. So‘nggi bir necha kunda sodir bo‘lgan voqealar shunchaki - sharmandalik.
Nega futbolchilar to‘satdan yodga tushib qolishdi? To‘satdan ular maoshlarining 30 foizidan voz kechishlari kerak? Sog‘liqni Saqlash Vaziri Mett Xenkok hallqa hayotimizdagi eng jiddiy inqiroz haqida so‘nggi xabarlarni yetkazib turishi kerak edi. Nega futbolchilarning maoshlari uning xayoliga kelib qoldi? U haqiqatdan ham hukumat e’tiborini pandemiya bilan chalg‘itmoqchi bo‘lganmi?" - Runining so‘zlaridan iqtibos keltirmoqda standard.co.uk.
