Virjil van Deyk «Liverpul»da o‘ynamaydigan Premyer-liganing eng yaxshi 5 futbolchisi nomini aytdi. Shuningdek, mersisaydliklar himoyachisi o‘z nomzodlariga izoh ham berib o‘tdi.

Darvozabon: Ederson («Manchester Siti»)
«O‘ylashimcha, u ajoyib darvozabon. Ushbu mavsumda ko‘pgina yaxshi posbonlarni ko‘rdik, ammo Ederson ular orasida eng yaxshisi. U Alissonga yutqazsa ham – Ederson birinchi raqamli posbon».

Himoyachilar: Emerik Laport («Manchester Siti»)
«U «Manchester Siti» uchun qanchalik muhim o‘yinchi ekanini namoyish qilmoqda. Ajoyib himoyachi. U juda va juda yaxshi himoyachi. Shuning uchun men uni tanlayman».

Yarim himoyachi: Kevin de Bryuyne («Manchester Siti»)
«Nazarimda, bu pozisiyada faqat «Siti» o‘yinchilari! Lekin de Bryuyne haqida ko‘p gapirish shart emas. Avvalo, Kevin – yaxshi yigit. Shu bilan birgalikda u zo‘r futbolchi. Uni qattiq hurmat qilaman. U fantastik o‘yinchi».

Yarim himoyachi: Son Xyong Min («Tottenxem»)
«U tezkor, u kuchli, u himoyachilarning ishini do‘zaxga aylantirish uchun maydonga chiqadi. U chap oyoqda ham, o‘ng oyoqda ham vaziyatni ajoyib yakunlay oladi. Shuning uchun uni tanlayman».

Hujumchi: Pyer-Emerik Obameyang («Arsenal»)
«Mavsum davomida amalga oshirgan ishlariga tayanib, uni tanlayman. Lyakazett va Obameyang — ajoyib hujumchilar juftligi. Shuningdek, men hujumga Agueroni ham qo‘yishim mumkin edi. Ammo Obameyang – yaxshi hujumchi ekanini raqamlar ham ko‘rsatib turibdi».