«Chelsi» klubi «Ayaks» yarim himoyachisi Hakim Ziyosh bilan shartnoma imzolaganidan xabaringiz bor. Marokashlik futbolchi ushbu mavsum so‘ngida londonliklar safiga qo‘shilishi kerak.

Ammo, "The Telegraph" tarqatgan xabarga ko‘ra, Ziyosh qachon «Chelsi» qarorgohiga kelib qo‘shilishi ma’lum emas. Katta ehtimol bilan Angliya va Niderlandiya chempionatlari yakunlanganidan so‘ng futbolchi Londonga yo‘l oladi.

Ammo bir chempionat ikkinchisi nisbatan kechroq tugasa, vaziyat murakkablashadi. Agar Niderlendiya chempionati ertaroq yakunlansa yoki muddatidan oldin tugatilsa, Ziyosh kelishilganidek 1 iyun kuni "Chelsi" safiga yetib keladi. Ammo bu paytda APL yakunlanmagan bo‘lsa, u "ko‘klar" safida o‘ynay olmaydi.

Shuning uchun «Chelsi» rahbariyati «Ayaks» bilan qo‘shimcha muzokara o‘tkazib, Hakimning o‘tish sanasiga o‘zgartirish kiritishi mumkin.

Eslatib o‘tamiz, londonliklar fevral oyida Ziyoshning transferini hal qilishgan. "Chelsi" 27 yoshli o‘yinchi uchun 40-44 mln yevro atrofida pul to‘laydi.