Xabaringiz bor, "Qo‘qon-1912" jamoasida uch nafar legioner futbolchilar to‘p surishadi. Filip Rayevas hamda Ivan Yosovich Serbiya davlati fuqarolari bo‘lsa, yana bir legioner Yakuba Bamba esa Kot-d’Ivuar mamlakatidan tashrif buyurgan.

Yurtimizda koronavirus pandemiyasi tufayli karantin e’lon qilinganiga ham bir oy bo‘ldi. Mana shu o‘tgan davrda "Qo‘qon-1912" jamoasining barcha a’zolari o‘z uylarida mashg‘ulot qilib turishibdi. Uch nafar legioner futbolchilarga esa jamoa rahbariyati Qo‘qon shahrida o‘zlarini izolyasiya qilishlari uchun sharoit yaratib berishgan.

Legionerlar ham karantin qoidlariga to‘liq amal qilgan holda o‘z sport formalarini ham saqlab turishibdi. Klub shifokorlari ularning sog‘liklarini doimo nazorat qilib turishibdi. Jamoa bosh murabbiyi har uchchala futbolchi bilan ijtimoiy tarmoqlar orqali doim aloqada bo‘lib, ularga kundalik mashg‘ulotlar dasturini yuborib turibdilar. Jamoa tomonidan legioner futbolchilar uchun alohida mutaxassis ajratilgan bo‘lib, ularning kun tartiblarini nazorat qilib turilibdi.

Legionerlar bo‘sh vaqtlarida kitob o‘qishlari va oila a’zolari bilan ijtimoiy tarmoqlar orqali suhbatlashib turishlari uchun barcha sharoitlar yaratib berilgan. Legionerlarimizning kayfiyatlari yaxshi, ular intizorlik bilan karantin muddati tugashini kutib turishibdi.