Denis Ivankov ikki yildan beri O‘zbekiston milliy terma jamoasida darvozabonlar murabbiyi sifatida ishlayapti. 47 yoshli mutaxassis ukrainalik ayolga uylangan bo‘lib, uning xotini hozirda Kiyevda istimoqat qiladi. Karantin tufayli u Ukrainaga bora olmadi. Ivankov footboom.com saytiga bergan intervyusida shu haqida fikr yuritdi.

— Denis, Toshkentda, O‘zbekistonda karantin sharoitida qanday yashayapsiz?
— Deyarli butun dunyo koronavirus tufayli karantinda muddatini o‘tamoqda. O‘zbekiston ham bunday mustasno emas. Mamlakat rahbariyati tomonidan ancha jiddiy choralar qo‘llanilgan. Hamma joy yopiq. Uydan faqat zarur narsalar uchun do‘kon va dorixonaga chiqamiz. Ba’zida toza havodan nafas olish uchun ko‘chagi chiqib turaman. Uydan olisga bormayman.

— Ko‘chadan odam kammi?
— Zaruriyat tug‘ilmasa, tashqariga chiqmayman. Do‘kon, dorixona... Qolgan vaqtni xizmat kvartirasida o‘tkazyapman. Uyim Toshkentning tinch hududida joylashgan.

— Kiyevga, xotiningizni oldiga borishga ulgurmadingizmi?
— Afsus... Lekin bunday holatga tushgan yolg‘iz men emasman. Barcha legionerlar — murabbiylar, futbolchilar — karantin sharotida qolishdi. Ular o‘z yaqinlari oldiga borolmay qolishdi. Albatta, bu alamli. Barchasi tezroq o‘tib ketib, hayot normallashishiga umid qilishmoqda.

— Terma jamoa safida so‘nggi marta qachon ishlagan edingiz?
— 18-24 fevral kunlari Birlashgan Arab Amirliklarida yig‘in o‘tkazgan edik. Belarus qarshi nazorat o‘yini o‘tkazib, afsuski, 0:1 hisobida yutqazdik. Keyingi yig‘inlarni esa bekor qilishga to‘g‘ri keldi. Koronavirus xalal berdi...

— Ukrainada karantin 24 aprelgacha belgilangan, ammo u may oyi oxirigacha cho‘zilishi mumkin. O‘zbekistonda bu muddat qachongacha belgilangan.
— Bizda karantin 20 aprelgacha. Lekin yana o‘zaytirilsa kerak.

— Belarus va Tojikistonda futbol chempionati davom ettirilmoqda. Ular tavakkal qilishyaptimi?
— Belarus va Tojikiston o‘z milliy chempionatlarini o‘tkazishayotgani — bu mamlakatlar rahbarlarining siyosati. Tavakkal qilishyaptimi? Ha, bunda ma’lum risk bor.

— Taxminingiz: Yevropada mavsum qachon qayta boshlanishi mumkin?
— Bu holat iyun oyidan erta yuz bermasa kerak...