"PSJ" hujumchisi Neymarning otasi o‘g‘li Parij klubidagi vaziyatdan mamnun va jamoadan ketmoqchi emasligini ma’lum qildi.
"Neymarning o‘zi kelajakdagi karyerasiga oid qarorlari uchun javobgardir. Biz faqat shartnoma yoki uning yashash sharoiti bilan bog‘liq ma’muriy masalalarni hal qilamiz.
O‘g‘lim PSJda xursand, u jamoa Chempionlar Ligasining chorak finaliga chiqqanidan mamnun. Klubni tark etish haqida o‘ylagani yo‘q», — dedi braziliyalik futbolchining otasi.
Avvalroq, futbolchi yozgi transfer oynasida "Barselona"ga qaytishi mumkinligi haqida xabarlar tarqalgan edi.
Ushbu mavsumda Neymar barcha turnirlarda 22ta o‘yin o‘tkazdi, 18ta gol urdi va 10ta assistni amalga oshirdi.