Angliyaning "Manchester Yunayted" klubi yarim himoyachisi Pol Pogba 2012 yili "Yuventus" klubiga o‘tishiga Aleks Fergyussonning qarori ta’sir qilganini tan oldi.
"Buni ishonchsizlik deb atash mumkin. "Blekbern" klubiga qarshi o‘yin bo‘layotgandi va o‘sha bahs men uchun so‘nggi tomchi bo‘lgandi. Jamoaning zahirasida yarim himoyachi yo‘q edi, maydon markazida Park Chji Sun va Rafael o‘ynayotgandi. Fergyuson menga mashqlarni boshlashimni aytgandi, biroq, baribir maydonga tushirmadi.
O‘sha paytda ko‘nglim singandi. Keyin Patris Evraga "Yuventus"ga ketishimni aytdim. Garchi, "Yuventus" klubi menga hech narsa va’da qilmagan bo‘lsada, men asosiy tarkibda o‘ynashga munosib ekanligimni ko‘rsatishim kerak edi", - Pogbaning so‘zlaridan iqtibos keltirmoqda GianlucaDiMarzio.com sayti.
Eslatib o‘tamiz, Pogba "Yuventus" tarkibida to‘rt mavsum o‘ynadi va 2016 yili "MYU"ga qaytgan edi.