Англиянинг "Манчестер Юнайтед" клуби ярим ҳимоячиси Поль Погба 2012 йили "Ювентус" клубига ўтишига Алекс Фергюссоннинг қарори таъсир қилганини тан олди.
"Буни ишончсизлик деб аташ мумкин. "Блэкберн" клубига қарши ўйин бўлаётганди ва ўша баҳс мен учун сўнгги томчи бўлганди. Жамоанинг заҳирасида ярим ҳимоячи йўқ эди, майдон марказида Парк Чжи Сун ва Рафаэль ўйнаётганди. Фергюсон менга машқларни бошлашимни айтганди, бироқ, барибир майдонга туширмади.
Ўша пайтда кўнглим синганди. Кейин Патрис Эврага "Ювентус"га кетишимни айтдим. Гарчи, "Ювентус" клуби менга ҳеч нарса ваъда қилмаган бўлсада, мен асосий таркибда ўйнашга муносиб эканлигимни кўрсатишим керак эди", - Погбанинг сўзларидан иқтибос келтирмоқда GianlucaDiMarzio.com сайти.
Эслатиб ўтамиз, Погба "Ювентус" таркибида тўрт мавсум ўйнади ва 2016 йили "МЮ"га қайтган эди.
