Turinning "Yuventus" klubi sobiq futbolchisi, ayni paytda faoliyatini Qatarning "Al Duxayl" klubijda davom ettirayotgan Mexdi Benatia «Yuventus» klubi sobiq bosh murabbiyi Maksimilano Allegrini keskin tanqid ostiga oldi.
Marokashlik futbolchining so‘zlariga qaraganda, Allegri unga o‘zini ko‘rsatish uchun hech qanday imkoniyat bermagan.
«U ajoyib murabbiy va yaxshi inson. Menda u bilan yoki birorta inson bilan hech qanday muammo bo‘lmagan. U shunchaki menga bergan va’dalarini bajarmadi. U ko‘p hollarda va’da berib, bajarmasdi. AQSHda bo‘lib o‘tadigan mavsumoldi turne oldidan u meni, Kyellini va Bonuchchilarni asosiy tarkibda o‘ynatmoqchiligini va kim bu joyga loyiq bo‘lsa, o‘shani keyinchalik ham asosiy tarkibda maydonga tushirishini aytgandi.
Men Italiya Kubogi finalida ikkita gol kiritdim va shundan keyin biz yangi shartnoma borasida gaplasha boshladik. Keyin esa to‘rt marta ketma-ket zahira o‘rindig‘ida qolish ketdim va bir marta ham maydonga tushmadim"-dedi Benaita Football Italia portaliga.
