“Simurg”ning sobiq futbolchisi, ayni damda “Paxtakor” sharafini himoya qilayotgan Dragan Cheran azerisport.com portaliga bergan intervyusida Ozarbayjon chempionatidagi eng yaxshi golini esladi.
“Ozarbayjondagi, ayniqsa, Zagataldagi o‘yinlarimni yaxshi eslayman. Muxlislar bizni yaxshi qo‘llab-quvvatlardi, shunga yarasha biz ham yaxshi o‘yin ko‘rsatardik. Ozarbayjonda ko‘plab gollar urganman, biroq “Xazar-Lyankyaran”ga qarshi o‘yndagi golimni yaxshi eslayman. O‘yin Zagatalda o‘tgan, o‘shanda 25 metrdan gol urgandim. Qolaversa, o‘sha o‘yinda meni chetlatishgandi. Shu sababli bu o‘yinni yaxshi eslayman.
O‘zbekiston chempionatiga keldigan bo‘lsak, boshqa davlatlardagi singari hozircha to‘xtatilgan. Chempionat qachon boshlanishini kutyapmiz. Men “Paxtakor”da baxtliman”, -deydi Cheran.
