“Симург”нинг собиқ футболчиси, айни дамда “Пахтакор” шарафини ҳимоя қилаётган Драган Черан azerisport.com порталига берган интервьюсида Озарбайжон чемпионатидаги энг яхши голини эслади.

“Озарбайжондаги, айниқса, Загаталдаги ўйинларимни яхши эслайман. Мухлислар бизни яхши қўллаб-қувватларди, шунга яраша биз ҳам яхши ўйин кўрсатардик. Озарбайжонда кўплаб голлар урганман, бироқ “Хазар-Лянкяран”га қарши ўйндаги голимни яхши эслайман. Ўйин Загаталда ўтган, ўшанда 25 метрдан гол ургандим. Қолаверса, ўша ўйинда мени четлатишганди. Шу сабабли бу  ўйинни яхши эслайман.

Ўзбекистон чемпионатига келдиган бўлсак, бошқа давлатлардаги сингари ҳозирча тўхтатилган. Чемпионат қачон бошланишини кутяпмиз. Мен “Пахтакор”да бахтлиман”, -дейди Черан.