Kataloniyaning "Barselona" klubi himoyachisi Nelson Semedu yozgi transfer oynasida «Manchester Yunayted» klubi futbolchisiga aylanishi mumkin.

«Qizil iblislar» rahbariyati Nelson Semeduni o‘ng qanot himoyasiga munosib raqobatchi sifatida ko‘rmoqda. Qayd etilishicha, «MYU» rahbariyati bu futbolchini sotib olish uchun "Barselona"ga rasmiy taklif yuborgan.

Aytilishicha, Semeduga «Manchester Yunayted»dan tashqari, «Manchester Siti» klubi ham qiziqish bildirgan, ammo, «qizil iblislar» rasmiy taklif yuborishni cho‘zib o‘tirmadi.

Ma’lumot o‘rnida shuni aytish kerakki, Semedu «Barselona» tarafdan transferga qo‘yilmagan, biroq, Semedu uchun yaxshi taklif tushadigan bo‘lsa, "ko‘k-anorranglilar" rahbariyati bu taklifni ko‘rib chiqishga tayyor.