Каталониянинг "Барселона" клуби ҳимоячиси Нельсон Семеду ёзги трансфер ойнасида «Манчестер Юнайтед» клуби футболчисига айланиши мумкин.
«Қизил иблислар» раҳбарияти Нельсон Семедуни ўнг қанот ҳимоясига муносиб рақобатчи сифатида кўрмоқда. Қайд этилишича, «МЮ» раҳбарияти бу футболчини сотиб олиш учун "Барселона"га расмий таклиф юборган.
Айтилишича, Семедуга «Манчестер Юнайтед»дан ташқари, «Манчестер Сити» клуби ҳам қизиқиш билдирган, аммо, «қизил иблислар» расмий таклиф юборишни чўзиб ўтирмади.
Маълумот ўрнида шуни айтиш керакки, Семеду «Барселона» тарафдан трансферга қўйилмаган, бироқ, Семеду учун яхши таклиф тушадиган бўлса, "кўк-анорранглилар" раҳбарияти бу таклифни кўриб чиқишга тайёр.
